Ndërtimi i fabrikës së ujit në Shkabaj drejt finalizimit

KUR Prishtina ka bërë sot të ditur se punimet në ndërtimin e fabrikës së ujit në “Shkabaj” janë duke shkuar drejt finalizimit.

Ky projekt përmban si komponent kryesore ndërtimin e Fabrikës së re të ujit në Shkabaj dhe ndërtimin  e rrjetit të ri dhe stacionit të pompimit, që mundësojnë kyçjen e fabrikës së re të ujit në kanalin e Ibrit dhe në rrjetin tjetër ekzistues.

Sipas KUR Prishtina, punimet do përfundojnë në fund të muajit dhjetor 2016 ndërsa testimet e rrjetit, shqyrtimet, komisionet, pranimet teknike dhe marrja e lejeve për shfrytëzim do të mbeten për pjesën e parë të vitit 2017.

Për ndërtimin e kësaj fabrike financues janë Komuna e Prishtinës me 5 milion euro, Komisioni Evropian me 5 milion euro, Qeveria e Republikës së Kosovës me 5 milion euro ndërsa 20 milion euro të tjera KUR “Prishtina” sh.a. i ka marrë kredi nga Banka Gjermane për Zhvillim me ç’rast, garantuese e kthimit të saj është Qeveria e Republikës së Kosovës.

Ndërtimi i kësaj fabrike gjithsesi e ndihmon qytetarin që të ketë furnizim me ujë të pijshëm 24 orë pa ndërprerë por, në të njejtën kohë e rritë mjaftë koston e shpenzimeve operative prej mbi 1.5 milion euro./gazetametro.net