Qeveria nis ndryshimin e Ligjit për Veteranët

Në mbledhjen e qeverisë gjatë ditës së merkurë,  u miratua koncept dokumenti për rregullimin e fushës së pensioneve për veteranë dhe kategori tjera të luftës.

Ministri Arban Abrashi tha se ky koncept dokument mundëson ndryshimet dhe plotësimet në Ligjin për Veteranët.

“Duke marrë parasysh planifikimin e buxhetit 2017 dhe konsultimet e shumta me veteranët dhe invalidët, konsiderojmë se është i nevojshëm plotësimi dhe ndryshimi i këtij ligji,” ka thënë Abrashi.

Abrashi theksoi se  përmes legjislacionit aktual synohet të ndryshohet Ligji për Veteranët, raporton gazetametro.

“Janë të nevojshme ndryshimet në politika dhe legjislacionin aktual. Ministria e Punës dhe Mirëqenies Sociale përmes miratimit të këtij koncepti krijon mundësi që pagesat e pensioneve të mbulohen nga buxheti i Kosovës,” ka thënë Abrashi./gazetametro.net