Loading…

Në Bresalc të Gjilanit gjenden 42 granata të vjetra

  • 12/11/2021 | 23:34

Në Bresalc të Gjilanit gjenden 42 granata të vjetra

Gjatë të enjtes janë gjetur dhe deminuar 42 granata dore në fshatin Bresalc të Gjilanit gjatë punimeve që po i bënin për hapjen e një rruge në pronën e Xhemajl Gashit.


Në vendin e ngjarjes fillimisht u ftuan njësitë policore, ndërsa më pas kishin shkuar edhe forcat e FSK’së dhe ato të KFOR’it.

“Kanë ardhur FSK’ja dhe KFOR’i dhe filluan të hulumtojnë. Kur i kanë mbledhur doli të jenë 42 copa”, tha Gashi, pronar i tokës.

Nga policia për rajonin e Gjilanit i thanë Klan Kosovës se granatat dyshohen të jenë të modelit M35 të prodhuara në Itali.

Një gjë të tillë Gashi pohon se iu tha edhe një ditë më parë nga forcat paqeruajtëse.

“KFOR’i lajmëroi se këto munden me qenë të 44 ose 45”.

Xhemajl Gashit i është thënë se edhe gjatë të premtes në pronën e tij do të ketë njësi të FSK’së dhe KFOR’it, por që këta të fundit nuk u panë aty, së paku deri në ora 15:00.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë