Loading…

Në Lojërat Mesdhetare Oran 2022, flamuri i Kosovës lë poshtë flamurin e Spanjës

  • 01/07/2022 | 10:58

Në Lojërat Mesdhetare Oran 2022, flamuri i Kosovës lë poshtë flamurin e Spanjës

Xhudistja kosovare, Laura Fazliu, ditën e djeshme triumfoi në finale kundër garueses spanjolle, Perez Cabana, në kategorinë e 63 kilogramëve. Ajo me fitoren e saj i solli Kosovës edhe medaljen e dytë të artë në Lojërat Mesdhetare, transmeton Gazeta Metro.


Pas kampiones olimpike, Distria Krasniqi, e cila një ditë më herët siguroi medaljen e parë të artë për Kosovën në Lojërat Mesdhetare Oran 2022, ishte radha për Fazliun që mposhti në finale spanjollen, Perez Cabana.

Në momentin e ceremonisë së ndarjes të medaljeve në ekran u shfaqën flamujt e shteteve të cilët kishin siguruar medalje dhe ishte flamuri i Kosovës, i cili ishte më së larti.

Më poshtë se flamuri i Kosovës u radhitën ai i Spanjës, Algjerisë dhe Kroacisë.

Kujtojmë që në radhitjen momentale të shteteve me më shumti medalje në xhudo është Spanja, e cila ka fituar dy medalje të arta, një të argjendtë dhe dy të bronztë.

Një medalje më pak të fituar e ka Kosova, të cilës i mungon vetëm medalja e argjendtë për dallim nga Spanja, por në këtë renditje e ka lënë prapa Serbinë. /gazetametro.net

Renditja e shteteve me më shumti medalje në xhudo, Kosova lë prapa Serbinë

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë