Në “Rrugën e Flamurit” zbulohet muri antik i periudhës romake

Në Sarandë është zbuluar një mur antik që dyshohet se i përket periudhës romake, në vitet 230 para Krishtit. Monumenti i kulturës u zbulua gjatë punimeve në Rrugën e Flamurit teksa ndërhyhej për displinimin e kanalizimeve të ujërave të zeza.

Punimet për disiplinimin e ujërave të zeza në Rrugën e Flamurit në Sarandë, kanë nxjerrë një sipërfaqe një mur antik, me elementë me tulla qeramike që i përkasin periudhës romake.

Drejtori i shërbimeve në Bashkinë e Sarandës, shpjegon se janë njoftuar specialistë të Monumenteve të Kulturës, për të bërë vlerësimin e objektit antik.

Pëllumb Halimi: Ka dalë një mur arkeologjik, unë nuk kam shumë njohuri se çfarë kohe daton. Është dhe një aset e gjetur më përpara, në vitet 2000-2004 që janë bërë punimet në këtë rrugë.