Nënshkruhet koalicioni mes AKR’së dhe VV’së

AKR dhe VV, në Mitrovicë kanë nënshkruar marrëveshje koalicioni në nivel lokal, në bazë të së ciliës këto dy parti do të qeverisin deri në fund të këtij mandatit.

Marrëveshjen e koalicion e kanë nënshkruar kryetari i komunës dhe njëherësh edhe kryetar i degës së AKR-së në Mitrovicë, Agim Bahtiri dhe kryetari i Qendrës së VV-së në Mitrovicë, Faruk Mujka.

Në bazë të marrëveshjes Faruk Mujka, nga Levizja Vetëvendosje, është emëruar nënkryetar i komunës.

“Pas kalimit të të gjitha procedurave nëpër partitë tona, sot kemi ardhur në pikën e nënshkrimit të marrëveshjes. Kjo marrëveshje është bërë për ti çështje të mëdha, që nënkupton kryerjen e punëve me duar të pastra, të punohet vetëm për qytetarët e jo për grupe të caktuara, ka thënë Bahtiri.

Sipas marrëveshjes së koalicionit, VV-së do t’i takoj pozita e nënkryetarit të komunës, drejtorit të Drejtorisë së Arsimit, drejtorit të Drejtorisë së Shëndetësisë dhe drejtorit të Drejtorisë për Kulturë, Rini dhe Sport./gazetametro.net