Nesër e pasnesër vazhdojnë bisedimet Kosovë – Serbi

Më 16 e 17 nëntor në Bruksel vazhdojnë bisedimet ndërmjet Kosovës e Serbisë.

Sipas medieve serbe, temë e bisedimeve do të jetë zbatimi i marrëveshjeve të arritura ndërmjet dy vendeve deri më tash, ndërsa agjencia beta saktëson se temë kryesore do të jetë formimi i Asociacionit të Komunave serb.

Delegacionin e Kosovës në këto biseda pritet ta udhëheqë ministrja për Dialog, Edita Tahiri, ndërsa delegacionin e Serbisë drejtori i të ashtuquajturës Zyre për Kosovën Marko Gjuriq.

Gjatë këtij takimi do të bisedohet edhe për marrëveshjet tashmë të arritura për telekomunikacionin e jurisprudencën.
Pardje u njoftua se Kosova e Serbia janë marrë vesh për zbatimin e marrëveshjes për telekomin.