Loading…

“Nga Haga mendojnë se janë kopjuar disa dokumente”: Mësohet se çka u bastisë në zyret e OVL së UÇK’së

  • 25/09/2020 | 18:52

“Nga Haga mendojnë se janë kopjuar disa dokumente”: Mësohet se çka u bastisë në zyret e OVL së UÇK’së

Për më shumë se tetë orë, sot hetuesit e Gjykatës Speciale të Hagës kanë kryer një bastisje në zyret e OVL së UÇK’së në Prishtinë, dhe kanë arrestuar dy nga figurat kryesore të këtij institucioni, kryetarin Hysni Gucatin dhe nënkryetarin, Nasim Haradinajn, shkruan Gazeta Metro.


Avokati Tomë Gashi i OVL’së ka thënë se nga Haga mendojnë se janë kopjuar dokumentet e dorëzuara në OVL të UÇK’së dhe se për këtë po e bëjnë bastisjen.

“Ata mendojnë se mos janë kopjuar gjëra të tjera të dokumenteve, gjë që nuk ka ndodhur dokumentet gjithmonë hetuesit i kanë marrë ato që kanë mbetur”, tha Gashi në KlanKosova, duke theksuar se rasti që nuk është dashur të ndodh fare është arrestimi i kryetarit të OVL UÇK’së, Hysni Gucatit, dhe i Nasim Haradinajt.

“Ne themi se rasti që nuk është dashur të ndodh fare është arrestimi i kryetarit të OVL UÇK-së, Hysni Gucatit, dhe i Nasim Haradinajt. Ne nga ajo që e kemi parë Z. Gucati është arrestuar në lidhshmëri me dokumentet që janë sjell nga persona të paftuar në OVL të UÇK-së. Ata tani janë duke bërë një bastisje rutinore nuk ka asgjë spektakolare janë duke konfiskuar thjesht shtëpiza të kompjuterëve për të parë eventualisht mos po gjendet ndonjë gjurmë inkriminuese. Unë besoj se gjithë fajin mund ta ketë Gjykata Speciale që i ka lejuar t’i rrjedhin këto dokumente dhe jo OVL e UÇK-së, meqenëse se ata kanë thënë gjithmonë që dokumentet që i kanë sjell personat për tre rastet do t’i bëjnë publike meqenëse kjo organizatë është kundër Gjykatës Speciale dhe shihet bashkëpunimi i organeve të Serbisë me Gjykatën Speciale”, tha avokati Gashi.

Kujtojmë, që ende nuk dihen arsyet e shoqërimit të Haradinajt, e as të arrestimit të Gucatit.

Nënkryetari i Organizatës së Veteranëve të Luftës së Ushtrisë Çlirimtare të Kosovës, Nasim Haradinaj, tha se kjo organizatë nuk e njeh Gjykatën Speciale për krime lufte në Kosovë.

“Nuk e njohim këtë gjykatë (Gjykatën Speciale). Kjo është një ditë që troket në të gjitha dyert e qytetarëve të Kosovës. Tani, çka na bën të mendojmë? Na bën të mendojmë a kemi shtet, a kemi organe shtetërore, a kemi parlament, a kemi Kushtetutë”, tha Haradinaj.

Dhomat e Specializuara dhe Prokuroria e Specializuar në Hagë, që ndryshe njihen edhe si Gjykata Speciale, merren me hetimin e krimeve të supozuara të luftës të pjesëtarëve të ish-Ushtrisë Çlirimtare të Kosovës./gazetametro.net

 

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë