Loading…

Nga Presidenca e Kosovës reagojnë pasi Petkovic u pa duke i reklamuar tabelat KS

  • 19/08/2022 | 21:59

Nga Presidenca e Kosovës reagojnë pasi Petkovic u pa duke i reklamuar tabelat KS

Blerim Vela, shef i kabinetit të presidentes Vjosa Osmani, ka reaguar pasi drejtori i të ashtuquajturës Zyra për Kosovën në Qeverinë e Serbisë, Petar Petkoviq, u shfaq në një konferencë për media të premten duke i reklamuar tabelat KS.


Petkoviq duke folur për takimin e djeshëm në Bruksel, ka thënë se presidenti i Serbisë, Aleksandar Vuçiq, ka dhënë dy propozime në tavolinën e bisedimeve, por që të dyja, sipas tij, i ka refuzuar kryeministri i Kosovës, Albin Kurti.

Derisa ai ka folur për këto dy propozime, para mediave ka shfaqur një ilustrim të tabelave të Kosovës, ku shkruan “RKS” dhe është e vendosur emblema e shtetit të Kosovës.

Ndaj, ka reaguar Vela, i cili përmes një postimi në Twitter ka akuzuar Petkoviqin se po shpërndan dezinformata.

Vela është shprehur se janë humbur shtatë muaj negociata për këtë çështje duke shtuar se Petkoviq ka thënë se Vuçiq do të takohet me strukturat ilegale të Serbisë në Kosovë.

“Petkoviq shpërndan dezinformata për targat e Kosovës dhe dokumentin e hyrje/daljes. Humben 7 muaj negociata për këtë çështje. Njoftoi se Vuçiq do të takohet me përfaqësues të strukturave ilegale të Serbisë në Kosovë, të cilat duhej të ishin shpërbërë sipas marrëveshjeve të Brukselit”, ka shkruar ai.

Vela tutje është shprehur se shumica e serbëve të Kosovës kanë letërnjoftime dhe targa të veturave kosovare dhe nuk do të preken nga masat e reciprocitetit.

“Shumica e serbëve të Kosovës kanë letërnjoftime dhe targa të veturave kosovare dhe nuk do të preken nga masat e reciprocitetit. Megjithatë, targat e paligjshme të makinave KM do të zëvendësohen me çështje legale të targave nga institucionet e Kosovës dhe qytetarëve që udhëtojnë me letërnjoftime të Serbisë do t’u jepen dokumente hyrje/dalje kur të hyjnë Kosovë”, ka shtuar ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë