Loading…

Ngjashmëri e frikshme: Publikohet fotografia e parë e Kristen Stewart në rolin e Princes Dianës

  • 27/01/2021 | 20:33

Ngjashmëri e frikshme: Publikohet fotografia e parë e Kristen Stewart në rolin e Princes Dianës

Disa muaj më parë në media u shpërnda me shpejtësi lajmi se Kristen Stewart do të luante rolin e Princeshë Dianës në filmin “Spencer” me regji të Pablo Larrain. Kishte nga ata që nuk ishin dakord me përzgjedhjen, duke u shprehur se Kristen nuk kishte aspak ngjashmëri me princeshën e ndjerë.


Mirëpo me foton që është bërë publike së fundmi të gjithë ata që dolën kundër i kanë kthyer mbrapsht fjalët e tyre. Ditën e sotme është bërë publike një foto, në të cilën aktorja e famshme shihet e veshur me një xhaketë të kuqe, me flokë bjond të prerë shkurt dhe një kapele të zezë. Ngjashmëria e saj me Princeshë Dianën në këtë foto është shumë e frikshme dhe askush nuk mundet ta mohojë më këtë gjë.

Filmi “Spencer” pritet të publikohet në vjeshtën e vitit 2022 para 25-vjetorit të vdekjes së Princeshë Dianës. Ky film do të përqëndrohet në dhjetorin e vitit 1991, kur Princesha Diana kaloi Krishtlindjen me familjen mbretërore dhe vendosi t’i jepte fund martesës me Princin Charles.

“Martesa e Princit dhe Princeshës së Uellsit ka kohë që është ftohur. Megjithëse thashethemet për divorc janë të shumta, në Sandrigham Estate është urdhëruar që te ketë paqe për festat e Krishtlindjes. Diana e di lojën. Këtë vit, gjërat do të jenë shumë ndryshe”, thuhet në përshkrimin e filmit.

Ashtu siç të gjithë mund ta kujtojnë divorci u finalizua në gusht 1996, 1 vit para vdekjes tragjike të nënës së Princit Harry dhe Princit William. Përveç Stewart në këtë film do të luajnë edhe Timothy Spall, Sally Hawkins dhe Sean Harris.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë