Loading…

Ngrihet aktakuzë kundër Xhavit Drenorit, goditi me këpucë një person

  • 29/12/2021 | 17:13

Ngrihet aktakuzë kundër Xhavit Drenorit, goditi me këpucë një person

Më 19 nëntor të këtij viti u raportua për një përleshje në mes të Xhavit Drenorit dhe Ramadan Berishës, djalit të tani ish-prokurorit Ibrahim Berisha. Për këtë rast tashmë Prokuroria Themelore në Prishtinë ka ngritur aktakuzë.


Sipas aktakuzës së ngritur më 16 nëntor të këtij viti, Xhavit Drenori ngarkohet me veprën penale “Sulmi”, raporton “Betimi për Drejtësi”.

Sipas aktakuzës, më 19 tetor 2021, rreth orës 13:06, në rrugën “Fehmi e Xhevë Lladrovci” në Gllogovc, i pandehuri për shkak të mosmarrëveshjeve të çastit me të dëmtuarin Ramadan Berisha, fillimisht janë fjalosur mes vete e pastaj me dashje e ka sulmuar të njëjtin duke e goditur me këpucë.

Vepra penale për të cilën akuzohet Drenori, nga neni 184, paragrafi 1 të KPRK-së dënohet me gjobë ose me burgim deri në një (1) vit.

Ngritjen e kësaj aktakuze i akuzuari Drenori e konsideron të njëanshme.

“Total e njëanshme, total skandaloze. Skandaloze është ajo çfarë ka ndodh me mu ngritë aktakuzë për diçka që teorikisht ish dashtë me qenë e kundërta”, deklaroi ai për “Betimi për Drejtësi”.

Tutje, Drenori bëri të ditur se kanë bërë kërkesë në Prokurorinë Themelore në Prishtinë që të përfshihet edhe Ramadan Berisha si i akuzuar.

“Është skandaloz, është i papranueshëm dhe avokati tashmë e ka ba kërkesën që ta rishqyrtojë prokuroria lëndën”, ka thënë Drenori, duke shtuar se ky do të duhej të ishte palë e dëmtuar kurse Berisha i akuzuar.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë