Nis konferenca e organizuar nga UP me rastin e Javës së Frankofonisë

Në hapjen e kësaj konference i pranishëm ishte edhe drejtori regjional i AUF-it, z. Mohamed Ketata, i cili u shpreh i lumtur për pjesëmarrjen e tij në këtë event, që siç tha ai, po zhvillohet në pjesën më të bukur të Evropës. Ndërkaq, ambasadori i Francës në Kosove, z. Dider Chabert shfrytëzoi rastin për të treguar më shumë për tematiken e kësaj konference, të cilën e konsideroj si jashtëzakonisht të rëndësishme, ndërkaq gjuhën frënge e konsideroj si gjuhë mbretërore.

Në anën tjetër, në fjalën e tij, Ministri i Punëve të Jashtme të Kosovës, Enver Hoxhaj theksoi se përdorimi i frëngjishtes u mundëson të rinjve dhe profesionistëve kosovarë të avancojnë me ritmin e 280 milionë njerëzve në botë të cilët e flasin këtë gjuhë.

Ndërkaq, dekanja e Fakultetit të Filologjisë në UP, Lindita Rugova, shprehu kënaqësinë e saj të pafund që pavarësisht çdo gjejë, kjo konferencë po organizohet për të dytën herë më radhë dhe falënderoi bashkëpunëtoret që ndihmuan në realizimin e saj.

Qëllimi i konferencës është që të debatohet rreth mësimdhënies së frëngjishtes si gjuhë e huaj duke u fokusuar në aspektet letrare, gjuhësore dhe didaktike. Vlen të theksohet se ky është eveniment i parë dhe nismë e mbarë e bashkëpunimit me vendet frankofone, pas anëtarësimit të Universitetit të Prishtinës në Agjencionin e Universiteteve Frankofone në janar të këtij viti.