Loading…

Nishani – Mogherinit: Tirana nuk do të ndërhyjë në proceset e brendshme të fqinjëve

  • 03/03/2017 | 21:41

Nishani – Mogherinit: Tirana nuk do të ndërhyjë në proceset e brendshme të fqinjëve

Përfaqësuesja e lartë e BE-së për politikat e Jashtme, Federica Mogherini, e nisi vizitën e saj në Shqipëri duke zhvilluar një takim me presidentin, Bujar Nishani.


 

Në komunikatën e lëshuar për mediat, kreu i shtetit bërë të ditur se kishte diskutuar disa prej çështjeve më të ndjeshme në vend por edhe në arenën ndërkombëtare.

Në radhët e zhvillimeve të brendshme, mësohet se Nishani e vuri theksin tek reforma në drejtësi. Ai vlerësoi përpara kryediplomates se reforma në drejtësi ka patur zhvillim pozitiv në dy vitet e fundit dhe tashmë është në një etapë mjaft të rëndësishme. Sipas Presidentit, është mjaft e rëndësishme që ky proces të ecë mbi baza kushtetuese dhe ligjore, të shmanget politizimi i tij, dhe të inkurajohet gjithëpërfshirja, si garanci për besueshmërinë e qytetarëve shqiptarë.

Kreu i shtetit tha se reforma në drejtësi është e lidhur ngushtë edhe me reforma të tjera si ajo zgjedhore dhe dekriminalizimi, pasi të tria këto dimensione lidhen me perspektivën e Shqipërisë dhe të qytetarëve shqiptarë.

Gjatë komentit për zhvillimet rajonale, Presidenti i ka komunikuar Mogherinit se Tirana zyrtare nuk do të interferojë në proceset e brendshme të fqinjëve, por do të punojë gjithmonë për ruajtjen e paqes dhe stabilitetit. Ai e cilësoi platformën shqiptare në Maqedoni, një akord të arritur mes partive politike, transmeton Ora News.

Në mbyllje, kreu i Shtetit ka theksuar ndër të tjera se Shqipëria është e vendosur për të plotësuar të gjitha kriteret e nevojshme në kuadër të vazhdimësisë së integrimit në organizmat ndërkombëtare.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë