Nisin zgjedhjet serbe në veri

Zgjedhjet për kryetar të Serbisë kanë filluar edhe në veri të Mitrovicës, përkatësisht në shkollën e mesme teknike “Mihajllo Petroviq-Allas”, e cila është hapur sot në ora 7:00.

Deri tani po vërehet numër i vogël i qytetarëve të cilët kanë ardhur për të votuar. Nga gjithsej 90 vendvotime që do të jenë në Kosovë, 30 prej tyre janë në komunat veriore të vendit, përkatësisht në veri të Mitrovicës 11, Zveçan 7, Zubin Potok 7 dhe në Leposaviq 5 vendvotime, raporton kp.

Mësohet se edhe në Zveçan, Leposaviq dhe Zubin Potok janë hapur qendrat e votimit me kohë. Numri i atyre që kanë të drejtë vote në veri të Mitrovicës është  rreth 15.137 persona.