Loading…

NISMA në Gjilan i themelon edhe dy nëndegë të reja në Zabel dhe Kamnik

  • 11/04/2018 | 21:35

NISMA në Gjilan i themelon edhe dy nëndegë të reja në Zabel dhe Kamnik

NISMA Socialdemokrate në Gjilan në vazhdën e themelimit të nëndegëve sonte, ka themeluar edhe dy nëndegë të reja njëra në lagjen “Zabel” dhe një në Kamnik. 


Kjo është bërë e ditur nëpërmjet një njoftimi në faqen zyrtare të kësaj partie në rrjetin social, Faceboook.

Aty është thënë se programi i NISMA Socialdemokrate është më i përafërti me qytetarët prandaj sipas tyre qytetarët, çdo ditë e më shumë nuk po hezitojnë dhe po i bashkohen radhëve të kësaj partie.

Kryetar i nëndegës së Zabelit është zgjedhur, Ardiana Biçkaj, kurse kryetar i nëndegës në Kamnik është zgjedhur Burhan Arifi.  Gjithashtu janë zgjedhur edhe kryesitë e këtyre dy nëndegëve në përbërje të të cilave janë nga nëntë anëtarë.

Në këto dy takime ka marrë pjesë ministri i Tregtisë dhe Industrisë, Bajram Hasani i cili është edhe kryetar i  degës së NISMA në Gjilan.

Hasani me këtë rast para të pranishmëve ka folur për punën që po bën Qeveria e Kosovës, e konkretisht ministritë të cilat udhëhiqen nga NISMA Socialdemokrate.

Hasani u ka thënë atyre se dega e NISMA në Gjilan, çdo ditë po rritet dhe konsolidohet. Ai u ka thënë qytetarëve të cilët sonte i janë bashkuar radhëve të NISMA në Gjilan se në këtë subjekt janë të gjithë të barabartë dhe do të dëgjohen mendimet e secilit. Hasani u ka uruar mirëseardhje të sapo aderuarve.

Në njoftim është paralajmëruar edhe themelimi i disa nëndegëve të reja.

“Shtrirjen edhe në nëndegë të tjera do ta vazhdojmë edhe në ditët dhe javët e ardhshme.”, është thënë në njoftim.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë