Një muaj paraburgim të dyshuarit për vrasjen në Gjakovë

Gjykata Themelore në Gjakovë ka caktuar masën e paraburgimit prej një muaji ndaj të pandehurit për vrasjen në Gjakovë, transmeton Gazeta Metro.

Prokuroria në aktakuzë ka bërë të ditur se pas daljes nga automjeti, i dyshuari dyshohet se ka nxjerrë një brisk dhe e ka goditur viktimën në anën e majtë të gjoksit, në afërsi të zemrës.

“Viktima është dërguar fillimisht në ambulancën e qytetit dhe më pas drejt Spitalit Rajonal, por ka ndërruar jetë gjatë rrugës, rreth orës 03:10, kur edhe është konstatuar vdekja nga mjeku kujdestar”, thuhet në njoftim.

I dyshuari do të mbahet në paraburgim deri më 4 qershor 2026, ndërsa palët kanë të drejtë ankese në Gjykata e Apelit e Kosovës./gazetametro.net