Njësia A3 rikthehet në operim, KEK paralajmëron emetime të shtuara të tymit

Korporata Energjetike e Kosovës bëri të ditur se njësia A3 ka hyrë në fazën e startimit pas përfundimit me sukses të punimeve për sanimin e saj, transmeton Gazeta Metro.

Sipas njoftimit të KEK-ut, njësia pritet që në një periudhë të afërt të lidhet me rrjetin elektroenergjetik dhe të rikthehet në funksion.

Gjatë procesit të ndezjes, qytetarët mund të vërejnë sasi më të madhe tymi se zakonisht. KEK ka sqaruar se bëhet fjalë për një gjendje kalimtare, e cila pritet të zgjasë vetëm disa orë.

Korporata u ka bërë thirrje banorëve të Obiliqit dhe institucioneve lokale që të tregojnë mirëkuptim gjatë kësaj periudhe, duke theksuar se emetimet e shtuara lidhen me fazën e vënies në punë të njësisë./gazetametro.net