Loading…

Njujorkezi mbërthen peshkaqenin dhe e nxjerr nga deti, shastisi pushuesit në plazh

  • 15/08/2022 | 18:09

Njujorkezi mbërthen peshkaqenin dhe e nxjerr nga deti, shastisi pushuesit në plazh

Pamje që shtangën vizitorët në plazhet e Long Beach të shtetit në New York ishte kacafytja e një burri me një peshkaqen të cilin e kishte kapur për bishti dhe po e tërhiqte drejt plazhit, transmeton Gazeta Metro.


Burri u filmua tek përleshej me peshkaqenin në breg të plazhit dhe e tërhiqte për bishti në plazhin e popullarizuar në Long Island që i habiti dhe i trembi pushuesit.

Ky ballafaqim u xhirua të dielën në Smith Point Beach në ishullin Fire – ku dy sulme peshkaqenësh kanë ndodhur vetëm muajin e kaluar.

Në xhirim shihet një burrë ende i paidentifikuar tek qëndron i vetëm në cekëtinë para se të tërhiqte një bisht drejt plazhit.

Peshkaqeni tentonte t’i ikte mbërthimit të burrit por ai këmbëngulte dhe e tërhiqte drejt plazhit. Më vonë kishin dalë fotografi kur ai ishte asistuar dhe e kishin tërhequr peshkaqenin në plazh.

Në dy vitet e fundit janë vërejtur më shumë peshkaqenë se në gjithë dekadën e kaluar në këtë plazh. Vetëm në korrik ishin regjistruar katër incidente në Long Island.

Në vende tjera të bregdetit lindor të SHBA’së ka pasur raste të shtuara të sulmeve nga peshkaqenët këtë verë./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë