Loading…

‘Nuk jam ndarë përfundimisht me Jurgenin’ – Sara shokon me deklaratën për boksierin, pas lidhjes me Bardhin

  • 11/02/2024 | 08:12

‘Nuk jam ndarë përfundimisht me Jurgenin’ – Sara shokon me deklaratën për boksierin, pas lidhjes me Bardhin

Banorja e shtëpisë së BBVA, Sara Gjordeni, ka befasuar bashkëbanoren Erjolën dhe publikun me një deklaratë të papritur. Gjatë një bisede intime në oborrin e shtëpisë, modelja ka rrëfyer për situatën e saj sentimentale jashtë shtëpisë, duke pohuar se ka lënë një lidhje jo të përfunduar me boksierin Jurgen Uldedaj.


Sara, e cila ka krijuar një afrimitet të veçantë me banorin Bardh, ndihej e mërzitur dhe në një gjendje jo të mirë psikologjike.

Ajo ka theksuar se ndarja me Jurgenin nuk ka qenë përfundimtare në momentin e hyrjes në shtëpinë e BBVA, duke shprehur keqardhjen për mundësinë që Jurgeni të jetë duke i parë momentet që ajo po kalon me Bardhin.

“Në momentin që jam futur këtu, nuk ka qenë një ndarje definitive. Se po të ishte definitive, atëherë do të isha idiote po të isha duke e përmendur tani” – ka shpalosur Sara, duke rrëfyer gjithashtu për ndeshjen e rëndësishme që boksieri ka këtë të shtunë.

Ajo ka shprehur edhe shqetësimin për ndikimin që kjo situatë mund të ketë mbi performancën e tij në ring, duke u përlotur kur ka përmendur se mban një kryq që Jurgeni ia ka dhuruar.

“Nuk ka humbur asnjëherë, humbi një ndeshje kur ne kishim probleme bashkë, por dua të fitojë sot. Jam pak si në siklet, sepse thjesht dua që ta fitojë. Kam muaj që e di këtë datën. Çdo ditë që paraprinte, më shumë po bija emocionalisht.”

S’e di a e ke parë që këto ditë mbaj një kryq në dorë, ma ka dhuruar ai kur u pagëzova në verë dhe është diçka formale fetare. Kur u futa këtu më tha “do bëj abonim të të ndjek” dhe kam frikë se ndjehet keq e mos humb”, thotë Sara.

Ndërkaq, në një bisedë tjetër me banorin Gazin, Sara ka folur për Bardhin, duke theksuar se emri i tij ka marrë më shumë vëmendje që nga fillimi i afrimitetit të tyre brenda BBVA. “Unë mendoj që nderin më të madh në BBV 3 ja kam bërë unë Bardhit. Bardhi ka qenë shumë pasiv dhe emri i tij është përmendur pas lidhjes me mua. Emrin e tij s’e kisha dëgjuar ndonjëherë kaq shumë sa banorëve të tjerë.” – ka shtuar Sara.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë