Loading…

Nuk ndalet rritja e çmimeve në Kosovë, shtrenjtohen vezët dhe sheqeri

  • 09/11/2022 | 13:09

Nuk ndalet rritja e çmimeve në Kosovë, shtrenjtohen vezët dhe sheqeri

Rritja e çmimeve për produktet bazike nuk ka të ndalur në Kosovë. Çmimi i sheqerit ka arritur në rreth 6 euro për 5 kilogramë.


Sipas përditësimit më të fundit të çmimeve nga Agjencia e Statistikave të Kosovës të produkteve bazike, vërehet se lëvizje e çmimit këto ditë është shënuar edhe tek sheqeri dhe vezët.

Deri pak ditë më parë, 5 kilogramë sheqer janë tregtuar me 5.28 euro, ky produkt esencial sipas ASK-së ka arritur çmimin në 5.90 euro.

Po ashtu edhe vezët janë shtrenjtuar, duke arritur kështu në mbi 4 euro një komplet, apo 30 copë vezë. Nga 3.88 euro sa ka qenë kompleti një javë më parë, një komplet me vezë (30 copë) dje dhe sot është duke u tregtuar me çmim prej 4.01 euro.

Po ashtu çmimi për dru zjarri, 1 metër kub (m3) ende mbetet i shtrenjtë, 67.33 euro.

Kuvendi i Kosovës dje ka miratuar Projektligjin për vendosjen e çmimeve tavan në produktet themelore.

Produktet të cilat do kenë çmim tavan janë drithërat, mielli, gruri, buka, orizi, pastat, vaji ushqimor i lulediellit, qumështi, kripa e kuzhinës, vezët e pulës, mishi i pulës, sheqeri kristalor, produktet e higjienës personale, si dhe lëndët e drurit për djegie.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë