Loading…

Numër rekord i të papunëve të regjistruar në SHBA për shkak të pandemisë

  • 26/03/2020 | 14:54

Numër rekord i të papunëve të regjistruar në SHBA për shkak të pandemisë

Numri i personave pa vende të punës në Shtetet e Bashkuara ka arritur në shifra rekorde, teksa ekonomia përballet me vështirësi për shkak të përhapjes së korona virusit të ri SARS-CoV-2. Presidenti Trump dhe administrata e tij kanë menduar që të nisin zbutjen e masave kundër pandemisë për pashkë, me 15 prill, transmeton Gazeta Metro.


Rreth 3.28 milionë persona janë regjistruar për të kërkuar benefite që u takojnë të papunëve për javën e 21 marsit, është  thënë në të dhënat e Departamentit të Punës.

Rekordi i kaluar ishte shënuar më 1982, kur numri i të papunëve kishte arritur në 695000.

Kjo rritje e numrit të papunëve i jep fund zgjerimit të ngadalshëm por të qëndrueshëm të tregut të punës.

Ky lajm vjen pas mbylljes së restoranteve, teatrove, hoteleve dhe palestrave në Shtetet e Bashkuara.

Kompanitë e prodhimit të makinave kanë ndalur dukshëm veprimtarinë, përderisa udhëtimet ajrore kanë rënë në mënyrë drastike.

Aktualisht në Shtetet e Bashkuara është raportuar për 69197 persona të infektuar me korona virusin e ri, derisa rreth 1046 kanë vdekur nga kjo sëmundje.

Sot Senati ka aprovuar edhe pakon gjigante të paprecedentë e ndihmës financiare për amerikanët dhe bizneset e tyre, prej 3.3 trilion dollarësh amerikanë që përfshinë edhe ndihma për të papunët./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë