Loading…

‘Nxehet keq Vieira’: Pas provokimit që i bëri një tifoz, ‘e qet në tokë me shkelm’

  • 20/05/2022 | 08:30

‘Nxehet keq Vieira’: Pas provokimit që i bëri një tifoz, ‘e qet në tokë me shkelm’

Everton dje siguroi mbijetesën në një ndeshje shumë interesante kundër Crystal Palace. Por, trajneri i kësaj të fundit, Patrick Vieira ka goditur një tifoz të vendasve pasi ata kishin hyrë në fushë për të festuar mbijetesën e klubit, transmeton Gazeta Metro.


Një ndër takimet më të bukura këtë sezon u zhvillua mbrëmë në ‘Goodison Park’, aty ku Everton shënoi fitore me rezultat 3-2 pasi riktheu rezultatin në të mirë të saj pas dy golave që ishte në disavantazh.

Megjithatë, pas ndeshjes mijëra tifozë të skuadrës nga Liverpool hynë në fushë për të gëzuar suksesin e klubit, e cila tashmë edhe matematikisht nuk ka mundësi të rrëzohet nga elita e futbollit anglez. Mirëpo, nga ata mijëra tifoz njëri e pësoi keq pasi provokoi trajnerin e Crystal Palace, Patrick Vieira me ç’rast ky i fundit e goditi.

Por, në ato momente kamerat kapën një moment jo edhe të mirë për ish-lojtarin e Arsenal, Patrick Vieira i cili teksa po largohej nga fusha, u pa duke u përplasur me një tifoz.

Tifozi mund të shihet duke e mbajtur gishtin e mesit drejt fytyrës së Vieira’s, ndërsa është duke e filmuar me dorën tjetër. Ndërsa, në momentin kur ai e rikthen shpinën francezi e kap fansin nga krahu dhe e godet.

Vlen të theksohet se edhe në ndeshjen gjysmëfinale të ‘play-offit’ në Championship ndërmjet Nottingham Forest dhe Sheffield United ndodhën skena të pahijshme, ku pas ndeshjes ishte goditur kapiteni i Sheffield United, Billy Sharp i cili pati nevojë edhe për qepje.

Mirëpo, edhe sulmuesi i Sheffield United, Oliver McBurnie kishte goditur një tifoz të Nottingham Forest me shkelma, për të cilin thuhet se pritet të arrestohet nga Policia. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë