Loading…

OBSH: Bota është ende në fillimet e pandemisë

  • 16/09/2020 | 14:45

OBSH: Bota është ende në fillimet e pandemisë

Jemi ende në fillimet e pandemisë. Pohimi vjen nga i dërguari i Organizatës Botërore të Shëndetësisë, David Nabarro, gjatë një seance dëgjimore në parlamentin e Mbretërisë së Bashkuar.


“Është shumë më keq se çdo libër fantashkence mbi pandeminë. Situata është shumë serioze dhe nuk jemi akoma as në gjysmë, por jemi ende në fillimet e pandemisë”, deklaroi Nabarro.

Si për të konfirmuar këtë qëndrim janë të dhënat që raportohen nga vende të ndryshme të botës, ku niveli i përhapjes së Covid-19 po rritet ndjeshëm. India i tejkaloi 5 milionë rastet me koronavirus, teksa ministria e shëndetit raportoi më shumë se 90 mijë të infektuar në 24 orët e fundit.

I lartë mbetet dhe bilanci i viktimave me 82 mijë jetë të humbura. Ekspertët e shëndetësisë paralajmërojnë se niveli i vdekshmërisë do të shtohet në javët e ardhshme, por autoritetet përjashtojnë mundësinë e një izolimi të dytë.

Ndërkohë, Shtetet e Bashkuara të Amerikës kryesojnë listën e vendeve më të prekura të botës. Shkencëtarët kanë konfirmuar se virusi ka qarkulluar në SHBA që prej 22 dhjetorit të 2019-ës. Rasti i parë është një qytetar nga Uashingtoni që kishte vizituar Wuhanin në Kinë. Për të luftuar pandeminë, presidenti amerikan, Donald Trump, lajmëroi se vaksina mund të jetë e gatshme për 3 ose 4 javë. Por ekziston frika se procesi për vaksinën të jetë përshpejtuar me qëllim për të ndikuar votën për zgjedhjet presidenciale të 3 nëntorit.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë