OKB thotë se Gaza nuk ka pranuar fare karburant që kur Izraeli lejoi dy dërgesa ditore

Dje u tha se Izraeli do të lejonte dy kamionë me karburant në ditë në Rripin e Gazës, por agjencia e OKB-së e Gazës për refugjatët palestinezë thotë se ende asnjë nuk ka mbërritur.

Zëdhënësja e UNRWA-s Juliette Touma foli për BBC më herët dhe tha se, “Ne kemi nevojë urgjente për karburant për operacionet humanitare në të gjithë Rripin e Gazës”.

“Asnjë nga kamionët që kanë ardhur që nga 21 tetori nuk kishte karburant”, tha Touma, transmeton Klankosova.tv.

“Ne kemi nevojë për të paktën 120,000 litra karburant çdo ditë nëse UNRWA dhe organizata të tjera të ndihmës humanitare duan të vazhdojnë të ofrojnë ndihmë për njerëzit në nevojë nëpër Rripin e Gazës”, shtoi ajo.

Touma thotë se ata duhet të shpërndajnë ndihma për 80,000 njerëz në strehimoret që menaxhon agjencia, dhe shtoi se UNRWA nuk duhet të mbështetet për muri duke lypur karburant.