Loading…

‘Omicron erdhi, ministri iku’: Rifat Latifi niset për Amerikë, për festat e fundvitit

  • 27/12/2021 | 16:42

‘Omicron erdhi, ministri iku’: Rifat Latifi niset për Amerikë, për festat e fundvitit

Ministri i Shëndetësisë Rifat Latifi ka udhëtuar sërish për në Shtetet e Bashkuara të Amerikës.


Latifi ka udhëtuar në Nju Jork të premten dhe pritet të kthehet në javën e parë të janarit.

Udhëtimin e tij e ka konfirmuar edhe këshilltari Drin Podrimçaku. “Po ka udhëtuar dhe kthehet më 3 janar”, ka deklaruar ai. Podrimçaku ka thënë se ministri ka udhëtuar për arsye personale.

Latifi është emëruar ministër i Shëndetësisë më 16 nëntor të këtij viti. Kjo është hera e dytë që ai kthehet në SHBA për çështje personale.

Pas rikthimit në herën e parë, Latifi pati thënë se tanimë është zhvendosur në Prishtinë për të filluar punën si ministër.

E derisa Latifi gjendet në SHBA, në Kosovë tanimë janë konfirmuar nëntë rastet e para me variantin e ri Omicron. Dy prej këtyre rasteve janë identifikuar si të importuara nga SHBA-ja.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë