Loading…

‘Open Ballkan’: Zv.kryeministri i Maqedonisë i bashkohet Ramës e Vucicit në Beograd

  • 03/11/2021 | 17:51

‘Open Ballkan’: Zv.kryeministri i Maqedonisë i bashkohet Ramës e Vucicit në Beograd

Zëvendëskryeministri i Maqedonisë Veriore Nikolla Dimitrov, ka mbërritur sonte në Beograd, ku nesër do të marrë pjesë në bisedimet për nismën “Ballkani i hapur”.

Dimitrov është pritur në aeroportin “Nikola Tesla” nga ministrja për Integrime Evropiane, Jadranka Joksimoviq.

Dimitrov tha se Maqedonia Veriore, përkundër ngjarjeve të fundit në vend pas zgjedhjeve lokale, është plotësisht e përkushtuar ndaj nismës “Ballkani i Hapur”.

“Po vij në kohën kur siç e dini kanë përfunduar zgjedhjet lokale në Maqedoninë Veriore, të cilat kanë lënë pasoja, madje në një farë mënyre krizë politike. Është e rëndësishme që ne si shtet dhe qeveri të dërgojmë një sinjal se jemi plotësisht të përkushtuar ndaj iniciativës, e cila ka lindur në Ballkan dhe që synon mbi të gjitha Ballkanin evropian”, tha Dimitrov.

Ai theksoi se bashkëpunimi rajonal është “një histori absolutisht evropiane” dhe tha se bashkëpunimi mund të thellohet më tej.

“Unë synoj të propozoj që digjitalizimi të përfshihet si një segment i rëndësishëm në iniciativë dhe se si digjitalizimi mund të ndihmojë në përshpejtimin e bashkëpunimit rajonal”, tha Dimitrov.

Në kuadër të nismës “Ballkani i Hapur”, presidenti i Serbisë Aleksandar Vuçiq nesër do të bisedojë me zëvendëskryeministrin e Maqedonisë Veriore Dimitrov dhe kryeministrin e Shqipërisë Edi Rama.

Takimit të tre zyrtarëve do t’i paraprijë një takim me përfaqësues të kompanive nga Serbia, Shqipëria dhe Maqedonia e Veriut, si dhe me përfaqësues të Këshillit Atlantik.

Pas bisedimeve do të vijojë një konferencë e përbashkët për shtyp e Vuçiqit, Dimitrovit dhe Ramës.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë