Loading…

Opozita kritikon Qeverinë për moskujdes ndaj trevës së Hasit rreth dëmeve nga reshjet

  • 23/05/2020 | 08:07

Opozita kritikon Qeverinë për moskujdes ndaj trevës së Hasit rreth dëmeve nga reshjet

Partia më e madhe opozitare në Prizren ka akuzuar drejtuesit e Qeverisë lokale dhe asaj qendrore për moskujdes ndaj trevës së Hasit, pas reshjeve intensive që kanë shkaktuar dëme në bujqësi, infrastrukturë dhe amvisëri.


Sipas tyre, qytetarët e Hasit nuk e kanë merituar një trajtim të tillë nga pushtetarët e të dyja niveleve. Ndërsa zyrtarët komunalë kanë bërë të ditur se komisioni për evidentimin e dëmeve në bujqësi do të vizitojë këtë trevë gjatë ditës së shtunë, shkruan KOHA.

Kryetari i degës së PDK-së në Prizren, Shaqir Totaj, ka shprehur qëndrimin se ekzekutivi lokal e qendror nuk kanë treguar kujdesin e duhur për Hasin në këtë situatë.

“Kryeministri në detyrë, Albin Kurti, dhe kryetari i Komunës së Prizrenit, Mytaher Haskuka, nuk kanë gjetur kohë ta vizitojnë edhe Hasin, pas motit me furtunë, që dy ditë më parë përfshiu edhe këtë rajon, duke shkaktuar dëme të shumta në bujqësi, infrastrukturë dhe në ekonomitë familjare. Kurti dje ka qenë vetëm në Suharekë dhe Mamushë e Haskuka në Anadrini, shumë afër Hasit, por nuk e kanë parë të arsyeshme të dalin andej Drinit, meqenëse tash nuk është fushatë zgjedhore”, ka thënë Totaj.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë