Orar i shkurtuar për komunarët agjërues në Gjilan e Kamenicë, Mushkolaj: Budallakia s’ka të ndalun

Ndonëse Kosova është shtet laik, Komuna e Gjilanit ka marrë vendim që për muajin e Ramazanit, të gjithë zyrtarët që agjërojnë të punojnë një orë më pak.

E një vendim të njëjtë e ka marrë edhe Komuna e Kamenicës, para disa ditësh.

Kjo komunë teksa ka uruar fillimin e muajit të shenjtë të Ramazanit, ka njoftuar se orari i punës për komunarët që agjërojnë do të jetë nga ora 09:00-16:00.

Për këtë vendim, ka reaguar edhe analisti Imer Mushkolaj. Sipas tij, “budallakinat s’ka të ndalun”.

“Edhe Luani i Kamenicës paska vendosë me iu dhonë pushim punëtorëve të administratës për Ramazan. Budallakinat s’ka të ndalun”, shkroi ai.