Orteku godet kampin bazë në Himalaje: Rezultojnë dy të vdekur dhe rreth 12 të zhdukur

Një ortek ka goditur kampin bazë të Himlung Himal në Nepal, duke lënë të paktën dy persona të vdekur dhe rreth një duzinë të tjerë të zhdukur, transmeton Gazeta Metro.

Ngjarja ndodhi të dielën në mëngjes në malin 7,126 metra të lartë, ku ndodhej një grup nepalezësh të angazhuar në përgatitjen e ekspeditave dhe sigurimin e rrugës për alpinistët.

Reshjet e dendura të borës dhe moti i keq kanë vështirësuar operacionin e kërkim-shpëtimit, ndërsa ekipet dhe helikopterët fillimisht nuk kanë mundur të arrijnë në zonën e prekur.

Incidenti ndodh në një periudhë kur rajoni i Himalajeve është përballur me disa fatkeqësi natyrore dhe aksidente të rënda, përfshirë përmbytje dhe rrëshqitje dheu në kufirin Nepal-Tibet./gazetametro.net