‘Osmani duhej ta kryente’, Haxhiu: Anëtari i KQZ’së emërohet pasi të përfundojnë çështjet prioritare

U.D. e Presidentes, Albulena Haxhiu, është deklaruar rreth anëtarit të tretë të KQZ-së, ku ka thënë se për momentin është duke trajtuar çështje të tjera më prioritet, shkruan Gazeta Metro.

Haxhiu po e fajëson ish-presidenten Vjosa Osmani, që sipas saj duhej ta rregullonte këtë proces kushtetues dhe të mos e linte në gjysmë.

“Unë jam duke trajtuar çështjet që janë më prioritet. Një proces kushtetues i filluar më herët duhej të përfundonte me presidenten Vjosa Osmani. Sapo të kemi një analizë të gjitha dokumenteve, shkresave, aktgjykimeve dhe aktvendimeve, do t’ju njoftojmë me kohë,” tha Haxhiu.

Shefja e grupit parlamentar të Lëvizjes Vetëvendosje, Arbërie Nagavci, është shprehur se anëtari i tretë i KQZ-së i takon Vetëvendosjes./gazetametro.net