Osmani zmbrapset para SHBA dhe BE: Veprimet e policisë në Veri janë legjitime, por varen njëkohësisht nga koordinimi me aleatët

Presidentja Vjosa Osmani-Sadriu ka shkruar një porosi në rrjete sociale pak minuta pas reagimeve të ashpra të SHBA’së dhe BE’së ku vlerëson se veprimet e policisë së Kosovës në Veri janë legjitime por i shtoi një por argumenteve të saj, shkruan Gazeta Metro.

Presidentja Osmani mbrojti qëndrimet e autoriteteve kosovare si legjitime pas zgjedhjeve megjithëse shtoi se po luftohen bandat kriminale të Vucic në Veri duke nënvizuar edhe ligjet.

“Sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm, ndaj mbrohet me të gjitha mjetet e përcaktuara me Kushtetutë dhe me ligj. (Neni 2 i Kushtetutës). Veprimet e Policisë së Kosovës ndaj strukturave ilegale e bandave kriminale të Vuçiqit janë legjitime, në realizim të detyrave të tyre kushtetuese dhe në mbrojtje të të gjithë qytetarëve, pa dallim.”

Në paragrafin e fundit vendoset një ngurrim në mesazh që duhet të ketë koordinim duke e lënë të nënkuptohet se nuk ka pasur për aksionin por edhe një kritikë për partnerin politik, kryeministrin Kurti.

“Qëndrueshmëria, jetëgjatësia dhe suksesi i këtyre veprimeve varen njëkohësisht edhe nga koordinimi me aleatët që ishin dhe mbeten garantues të sovranitetit dhe pavarësisë sonë”./gazetametro.net

Sekretari Blinken: SHBA dënon ashpër dhunën e Qeverisë, kryeministri Kurti të ndalë masat menjëherë dhe t’i kthehet dialogut

BE dënon ashpër dhunën në Veri: S’pranojmë më veprime provokuese të njëanshme