Loading…

Pacolli nuk di se çfarë të thotë pas dështimit: Kemi bërë një punë të mrekullueshme, por sot fitoi e keqja

  • 20/11/2018 | 12:37

Pacolli nuk di se çfarë të thotë pas dështimit: Kemi bërë një punë të mrekullueshme, por sot fitoi e keqja

Ministri i Jashtëm, Behgjet Pacolli, ka reaguar pas dështimit të anëtarësimit të Kosovës në organizatën ndërkombëtare INTERPOL.

Pacolli, ishte njeriu i cili gjatë ditës së djeshme dhe sot gjatë mëngjesit anëtarësimin në këtë organizatë e shihte si punë të kryer dhe si një tjetër sukses që do ta shënonte shteti i Kosovës, njofton gazetametro.net.
Madje ai këtë e shihte si punë të madhe në të cilën është angazhuar ai dhe mekanizmat tjerë të Qeverisë së Kosovës.

Por, këto konkludime të tij dhe deklarata në lidhje me anëtarësimin e Kosovës në INTERPOL, atij sot i dolën huq, kjo pasi Kosova nuk arriti që të hyjë në organizatën ndërkombëtare.

Në lidhje me këtë dështim ka folur Pacolli, duke e lënë fajin të “keqes”, që sipas tij fitues nuk është Kosova e as Serbia.

Tutje ai ka shtuar se për gjatë një viti ka qenë i angazhuar dhe është bërë një punë ë mrekullueshme për këtë ditë.

“Sot nuk ka fitues, nuk ka fituar as Kosova, as Serbia. Por mund të them që i vetmi fitues sot është e keqja. Më vjen shumë keq kur punën tonë që e kemi bërë, kur qe një vit jemi të angazhuar, është bërë një punë e mrekullueshme, sot nuk u shpërblye edhe pse Kosova mori më së shumti vota. Por si e pamë të gjithë është vështirë në këto kushte të sigurohen 2/3 e votave”, deklaroi Pacolli nga Dubai./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë