Loading…

Pakënaqësitë brenda e bëjnë komunën e Podujevës të dal me një reagim

  • 03/08/2022 | 15:46

Pakënaqësitë brenda e bëjnë komunën e Podujevës të dal me një reagim

Komuna e Podujevës ka reaguar pas raportimeve që po qarkullojnë për pakënaqësi brenda këtij institucioni që lidhen me mospajtime ndaj qeverisjes së kryetarit Shpejtim Bulliqi. Teksa dy drejtorë u larguan brenda dy ditësh, drejtori i Inspektoratit Besnik Mulliqi u shkarkua nga Bulliqi, ndërsa ai i Shëndetësisë Driton Veliu dha dorëheqje, në publik po përflitet edhe për dorëheqje të tjera.


Por, lajmet për dorëheqjet e tjera i ka mohuar Komuna e Podujevës në një reagim të bërë në faqen e tyre në Facebook.

“Duam të njoftojmë opinionin publik dhe mediat se drejtori i Drejtorisë së Shëndetësisë dhe Mirëqenies Sociale, Driton Veliu ka ofruar dorëheqjen e tij nga detyra e drejtorit. Ndërsa, lajmet tjera që po qarkullojnë në rrjete sociale për shkarkimin apo dorëheqjet e zyrtarëve të tjerë janë spekulime dhe të pavërteta”, thuhet në reagimin e Komunës.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë