Pallaska tregon se si Vetëvendosje bën shpërlarjen e parave (Video)

Në emisionin Komiteti, që transmetohet në RTV Dukagjini, avokati Dastid Pallaska ka komentuar mënyrën se si financohen partitë politike, duke treguar se çfarë formash përdorin që të fshehin burimet e tyre financiare.

Pallaska ka veçuar Lëvizjen Vetëvendosje, e cila, siç thotë ai, përdor fondet që i bëjnë publike për të mbuluar paratë që i marrin nga bizneset për t’u financuar.

Ai ka thënë se ekzistojnë disa metoda të cilat ua mundësojnë partive politike, në këtë rast VV’së, që të fsheh burimet e financimit, duke i shfaqur ato si forma të rregullta të fondeve që mbledhë nga përkrahës dhe aktivistë.

Pallaska ka thënë se njeriu i fundit që duhet t’i mbajë moral Shpend Ahmetit për raportet e tij me bizneset është Albin Kurti, pasi ky i fundit sipas Pallaskës sa ka qenë në krye të VV’së ka pranuar donacione nga ato biznese që i ka kritikuar së fundmi në Kuvend.

I vetmi dallim në mes të Ahmetit dhe Kurtit, sipas Pallaskës është se lideri shpirtëror i VV’së, nuk është parë në fotografi në jaht sikurse siç është parë kryetari i Prishtinës.

VV, thotë Pallaska e ka një mënyrë të sofistikuar të mbledhjes së parave. “I keni parë duke dalë me kërku donacione, 5 euro, 10 euro …, por kjo bëhet me qëllim të shpërlarjes së parave. Vetëvendosje, për dallim nga partitë tjera, i merr paratë prej biznesve, shembull 50 mijë euro, dhe i fut në bankë. Por, këtë e bën duke ua ndarë aktivistave të saj, të cilët më pas nënshkruajnë kinse po i japin donacion partisë në shuma shembull nga 1000 mijë euro. Por nëse i sheh ata njerëz që japin donacione partisë, nuk kanë fare të ardhura”, ka thënë Pallaska.