Pamje apokaliptike, tymi nga Kanada ka mbuluar tërë New York’un

Kualiteti i ajrit në New York ka rënë aq shumë sa që momentalisht qyteti amerikan hyn në listën e qytetit  me ajrin më të ndotur në planet dhe nga pamjet e shfaqura konstatohet shumë lehtë një gjë e tillë, transmeton Gazeta Metro.

Tymi nga flakët e nisura disa qindra kilometra në brendësi të Kanadasë kanë toksifikuar qytetin amerikan, ku madje dhe Statuja e Lirisë dhe qiellgërvishtësit me famë nuk janë parë me sy të lirë as nga distancat e afërta.

Kryetari i New Yorkut Eric Adams ka thënë se kjo ngjarje është e pa precedentë në qytetin e tyre dhe se njujorkezët duhet të kenë kujdes për shëndetin e tyre, raporton CBS News New York.

Fotografitë tregojnë një qiell krejtësisht ngjyrë të portokalltë dhe njerëzit të pajisur me maska kundër ndotjes së ajrit. Zyrtarët e qytetit kanë thënë se ajër kaq i ndotur në qytet nuk është raportuar që nga viti 1960./gazetametro.net