Loading…

Pamje nga ditët kur po niste ndërtimi i ‘Boro-Ramizit’ (Video)

  • 15/07/2017 | 00:45

Pamje nga ditët kur po niste ndërtimi i ‘Boro-Ramizit’ (Video)

Rreth 40 vite më parë, në vitin 1975 banorët e Prishtinës, do të dilnin në referendum, për të votuar nëse do të ishin pro ndërtimit të Pallatit të Rinisë “Boro-Ramizi”, ku mbi 60 për qind e fondeve do të duhej të siguroheshin nga të ardhurat personale të tyre, që do ndaleshin nëpërmes pagesës së faturave të shërbimeve komunale.


Një hapësirë prej 14 hektarësh e ndërtuar rreth gjysmë shekulli më parë vazhdon të jetë qendra e vetme sportive e kryeqytetit të Kosovës, por e dërrmuar nga vitet, tani disa herë më pak funksionale se sa atëherë, transmeton ndërtimi.info.

Një kronikë e bërë në vitin 1975 nga Televizioni i Prishtinës, tregon entuziazmin e banorëve të kryeqytetit, gjegjësisht punëtorëve të ndërmarrjeve të ndryshme, për ndërtimin e hapësirave rekreativo-sportive, që atëherë do të quhej “Qendra shoqërore sportive ‘Boro Ramizi’.

Banorët do të votonin në referendum, nëse do të ishin pro ndërtimit të kësaj qendre, e cila do të kushtonte rreth 520 milionë dinarë të atëhershëm, e 300 milionë prej të cilave ata do të duhej t’i siguronin vetë, duke i ndarë nga të ardhurat e tyre.

Qendra sipas kësaj kronike, përmbante një hapësirë prej 14 hektarësh. I tërë kompleksi do të përbëhej nga qendra memoriale e të rinjve, salla universale me kapacitet prej 7 mijë vendesh, bazeni olimpik, disa bazene të vegjël, fushës sportive për sporte të vogla, terrenit për futboll, volejboll, basketboll, tenis, hokej dhe hendboll, poligonit për atletikë dhe objekteve tjera përcjellëse.

Ai u emërua “Boro e Ramiz” në kujtim të dy prej njerëzve kryesorë të revolucionit komunis në Jugosllavi, Ramiz Sadiku e Boro Vukmiroviq, të cilët u vranë së bashku në afërsi të Prizrenit pa përfunduar ende Lufta e Dytë Botërore.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë