Loading…

Pamje të rënda: Shqelma e grushte mes 17 vjeçareve në Gjakovë

  • 28/01/2020 | 10:35

Pamje të rënda: Shqelma e grushte mes 17 vjeçareve në Gjakovë

Për disa çaste, dje në Stacionin e Autobusëve në Gjakovë është zhvilluar një skenë e ngjashme si në një ring boksi.


Disa vajza, të gjitha nxënëse të një shkolle dhe të së njejtës moshë, janë përfshirë në një rrahje.

E tërë ngjarja është filmuar nga një sinjalizues, e aty nuk kanë munguar as kalimtarët e rastit të cilët kanë ndërhyrë për t’i ndarë vajzat.

Rastin në polici e ka raportuar një nxënëse 17-vjeçare e cila ka deklaruar se nuk është në dijeni se cili është shkaku i sulmit ndaj saj.

Lajmin për Gazetën Sinjali e ka konfirmuar Lirije Podrimaj, zëdhënëse në policinë rajonale të Gjakovës. Ajo ka thënë se policia po punon në identifikimin e vajzave të dyshuara.

“Me datë 27.01.2020 në ora 14:28, në stacionin policor Gjakovë është paraqitur viktima femër, kosovare/ shqiptare e moshës 17 vjeçare, nxënëse e shkollës së mesme e cila ka raportuar se është sulmuar fizikisht përderisa ishte në stacionin e autobusëve. Viktima deklaron se është rrahur nga një grup i vajzave të së njëjtës moshë dhe të së njëjtës shkollë.  Meqenëse viktima nuk ka mundur të identifikoj të dyshuarat, sektori i hetimeve nga stacioni policor Gjakovë në koordinim me prokurorin e shtetit po punojnë për identifikimin dhe shoqërimin e të dyshuarave për në stacionin policor. Viktima deklaron se nuk është në dijeni se cili është shkaku i sulmit ndaj saj”, tha Podrimaj.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë