Loading…

Pandemia do të tkurrë me 300 milionë euro investimet e huaja

  • 11/10/2020 | 17:20

Pandemia do të tkurrë me 300 milionë euro investimet e huaja

Pandemia do të godasë investimet e huaja në të gjithë vendet e Ballkanit Perëndimor.


Në projeksionet e Bankës Botërore, investimet e huaja në Shqipëri pritet të tkurren këtë vit në 5.9% të prodhimit të brendshëm bruto, nga 7.6% që ishin në fund të vitit 2019.

Në përditësimin e vjeshtës të perspektivës ekonomike globale, Banka Botërore vlerëson se vlera e investimeve nga jashtë do të arrijë në 750 milionë euro, afro 300 milionë euro më pak se një vit më parë dhe në nivele të ngjashme me investimet e vitit 2012.

Rënien më të madhe të investimeve të huaja pritet ta ketë Maqedonia e Veriut dhe Mali i Zi, ndërsa tkurrje do të ketë edhe në Serbi e Bosnjë Hercegovinë, me përjashtim të Kosovës, ku investimet direkte nga jashtë pritet të rriten në 3.7% të prodhimit kombëtar.

Sipas të dhënave të Bankës së Shqipërisë për gjysmën e parë të vitit, investimet e huaja direkte rezultuan 454 milion euro, nga 546 milion që ishin në gjysmën e parë të 2019-s.

Përfundimi i disa veprave madhore në infrastrukturë si gazsjellësi Trans Adriatic dhe hidrocentrali i Devollit kanë ulur ritmin e investimeve nga jashtë, ndërsa situata e pandemisë së Covid-19 ka shtyrë planet e investimeve në shumicën e kompanive ndërkombëtare.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë