Loading…

Pandemia dominon samitin e G20, Macron: Sistem donacionesh për shtetet në zhvillim

  • 22/11/2020 | 15:55

Pandemia dominon samitin e G20, Macron: Sistem donacionesh për shtetet në zhvillim

Pandemia e koronavirusit dhe shpërndarja e vaksinës ishin çështjet dominuese, në çelje të samitit vjetor të G20-tës, i organizuar këtë vit nga Arabia Saudite.


Delegatë e krerë shtetësh, u detyruan të takohen virutalisht këtë vit, mes frikës së infektimit. Në fjalimin e tij, mbreti Salman u bëri thirrje liderëve të G20-ës që të “adresojnë dobësitë e ekspozuara nga kjo krizë dhe në të njëjtën kohë të mbrojnë jetën e njerëzve”.

Presidenti francez Emanuel Macron, tha se bota ka nevojë për një pergjigjie të koordinuar e të bashkuar për ta luftuar pandeminë. Ai propozoi  krijimin e një sistemi donacionesh për vaksinimin e grupeve më të riskuara në shtetet në zhvillim.

“Sot duhet ti përgjigjemi një krize shëndetësore që kërcënon jetët e miliona njerëzve. Përgjegjësia është historike dhe duhet patjetër të kemi një reagim të efektshëm e të koordinuar. Sugjeroj kritjimin e një sistemi donacionesh për vaksinimin e grupeve prioritare në vendet në zhvillim.”, u shpreh Macron.

Presidenti rus Vladimir Putin tha se i gjithë njerëzimi duhet të ketë qasje ndaj vaksinës dhe se vendi i tij është i gatshëm ti ofrojë shteteve në nevojë vaksiën Sputnik V.

Një ditë para nisjes së samitit, sekretari i përgjithshëm i OKB, Antonio Guterres njoftoi se ndërsa 10 miliardë dollarë ishin investuar në përpjekjet për krijimin e vaksinës dhe terapive të tjera, 28 miliardë dollarë nevojiteshin për prodhimin dhe shpërndarjen e vaksinave rreth botës. Ai u kërkoi më shumë shteteve të G20 të bëhen pjesë e Covax, iniciativa ndërkombëtare për shpërndarjen e vaksinës në mbarë globin. SHBA ka refuzuar të bëhët pjesë, mes akuzave të Donald Trump se Covax ndikohej nga OBSH, e korruptuar, siç e cilëson dhe Kina.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë