Partia Boshnjake kërkon shkarkimin e çetnikut Mandic që e çoi në qiell me lavde kriminelin Mladic

Deklaratat e kryetarit të Parlamentit të Malit të Zi, Andrija Mandiç ku i thur lavde çetnikut serb Ratko Mladic pas vdekjes, sot kanë mbledhur Kryesinë e Partisë Boshnjake e cila mbajti një seancë për të diskutuar  iniciativën për shkarkimin e menjëhershëm të tij, transmeton Gazeta Metro.

Kryesia e Partisë Boshnjake vendosi unanimisht që deputetët e Partisë Boshnjake do të votojnë për shkarkimin e Andrija Mandiç nga pozicioni i Kryetarit të Parlamentit të Malit të Zi.

“Ratko Mladiç nuk ishte një “udhëheqës ushtarak”, as një “hero”, as një njeri ndaj të cilit mund të tregohet ndonjë respekt, por një kriminel lufte i dënuar ligjërisht, i cili u dënua me burgim të përjetshëm para institucioneve ndërkombëtare gjyqësore për gjenocid në Srebrenicë, krime kundër njerëzimit dhe krime lufte”, thuhet në deklaratën e BS.

BS kujton posaçërisht se Parlamenti i Malit të Zi miratoi gjithashtu një Rezolutë mbi gjenocidin në Srebrenicë.

“Prandaj, është e papranueshme që Partia Boshnjake të dërgojë mesazhe respekti ose ngushëllimi familjes së një burri që u dënua ligjërisht për gjenocid dhe krime të tjera të rënda lufte”, përfundoi BS në një deklaratë./gazetametro.net