Loading…

Pas 60 vitesh karrierë, Steve Martin paralajmëron tërheqjen nga aktrimi

  • 11/08/2022 | 18:10

Pas 60 vitesh karrierë, Steve Martin paralajmëron tërheqjen nga aktrimi

Edhe pse “Only Murders In The Building” ka treguar se Steve Martin është ende aktor fantastik pas 60 vitesh karrierë, duket se Charles-Haden Savage mund të jetë roli i fundit që ai merr ndonjëherë.


Në një intervistë për The Hollywood Reporter, veterani i komedisë flet për përfundimin e punës së tij të madhe.

“Kur të përfundojë ky serial televiziv, unë nuk do të kërkoj të tjerë. Nuk do të kërkoj filma të tjerë. Nuk dua të bëj paraqitje të shkurtra. Kjo është, çuditërisht, ajo që dua të bëj”, ka deklaruar 76-vjeçari.

Pasi e nisi karrierën si skenarist televiziv dhe komik ‘stand-up’, Martin shkëlqeu si aktor filmash nga viti 1981 duke luajtur në projekte të suksesshme, si “Father Of The Bride”, “Dirty Rotten Scoundrels” e “Planes, Trains, & Automobiles”.

Ai është po ashtu edhe muzikant dhe shkrimtar, ndërsa e ka shkruar romanin “Shopgirl”, para se të luante edhe në adaptimin filmik të vitit 2005.

Me gjithë karrierën e gjerë artistike, “Only Murders In The Building” paraqet rolin e tij të parë të rëndësishëm në një serial televiziv. Paraqitjet televizive kanë qenë të rralla, edhe pse ka luajtur në episodin “Gavin Volure” të “30 Rock” në vitin 2008.

“Kam një jetë familjare që është vërtet argëtuese. Për të xhiruar një film tani, për të shkuar diku tjetër për të jetuar, nuk jam i gatshëm ta bëj më këtë. Nuk mund të zhdukem për tre muaj”, ka thënë aktori.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë