Pas Delawie, edhe Thaçi i zhgënjyer me deputetët

Deputetët e Kuvendit të Kosovës, nuk arritën që sot ta miratojnë Ligjin Për Ekzekutimin e Sanksioneve Penale. Pak çaste më parë për këtë gjë shprehu zhgënjimin e tij ambasadori amerikan në Kosovë, Greg Delawie. Kurse, tani të njëjtën gjë ka shprehur edhe Presidenti i vendit, Hashim Thaçi. Ky i fundit e ka quajtur të pajustifikueshme këtë gjë.

“Mosmiratimi i Ligjit për Ekzekutimin e Sanksioneve Penale në Kuvendin e Kosovës është kthim prapa në përpjekjet tona për forcimin e sundimit të ligjit, ka shkruar ish-lideri i PDK’së, përcjell gazetametro.net

Ai ka kujtuar që nuk është hera e parë që Kuvendi i Kosovës dështon miratimin e ligjeve të rëndësishme në mungesë të kuorumit.

“Përkundër respektimit të punës dhe pavarësisë së deputetëve të Kuvendit të Kosovës, dështimet e kësaj natyre janë të pajustifikueshme”, ka përfunduar ai. /gazetametro.net