Loading…

Pas fitores, trajneri i Kosovës paralajmëron se ky është vetëm fillimi

  • 20/02/2020 | 22:48

Pas fitores, trajneri i Kosovës paralajmëron se ky është vetëm fillimi

Përzgjedhësi i ri i Kosovës në basketboll, greku Christos Marmarinos, ia ka lënë lojtarëve meritat për fitoren ndaj Islandës. Kosova të enjten mbrëma në Prishtinë e mposhti Islandën me rezultatin 80:78, në hapje të para-eliminatoreve për Botërorin 2023.


“Basketbollistët e arritën fitoren, jo unë. U angazhuan dhe nuk u dorëzuan për asnjë moment. Jam shumë krenar për lojtarët që patën një paraqitje të mirë. Ky është mesazh se duam të vazhdojmë me fitore. Kishim edhe telashe, Jones dhe Bunjaku u lënduan”, ka thënë Marmarinos në konferencë për shtyp pas ndeshjes.

“Ne do të qëndrojmë së bashku dhe do të luftojmë së bashku. Dua të përgëzoj edhe Islandën për paraqitjen e mirë. Ky është vetëm fillimi, pasi na pret ndeshja me Luksemburgun dhe shpresoj që deri atëherë t’i përmirësojmë gabimet që patëm”, ka shtuar përzgjedhësi Marmarinos.

Erjon Kastrati ishte prej më të dalluarve te Kosova. Ai ka falënderuar tifozët për përkrahjen e madhe. Palestra ishte thuajse e mbushur me shikues.

“Gjatë lojës kishim momente të mira, por edhe gabime. Megjithatë në fund të fundit e rëndësishme është vetëm fitorja dhe jam shumë i lumtur për këtë”, ka thënë Kastrati.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë