Loading…

Pas përleshjes në Pejë ku u përdoren edhe armët, policia jep detaje

  • 26/12/2021 | 22:04

Pas përleshjes në Pejë ku u përdoren edhe armët, policia jep detaje

Policia e Kosovës, Stacioni Policor në Pejë, sot është njoftuar për një përleshje fizike në mes të disa personave.


Njësitet policore menjëherë iu kanë përgjigjur vendit të ngjarës, sipas dëshmitarëve fillimisht tre persona të dyshuar kishin rrahur viktimën të cilit i kanë shkaktuar lëndime të lehta trupore, i njëjti është dërguar në spitalin rajonal për tretman mjekësor.

Të dyshuarit e këtij rasti kanë ikur nga vendi i ngjarjes, pas shikimit të kamerave të lokalit nga policia, njëri nga të dyshuarit vërehej se ka poseduar armë të zjarrit.

Pas një pune intensive nga hetuesit e Stacionit Policor në Pejë, janë arrestuar dy nga të dyshuarit, dhe me urdhër të Gjyqtarit të procedurës paraprake, janë bastisur banesat e personave tё dyshuar.

Te të dyshuarit janë gjetur dhe konfiskuar një armё pistoletë e tipit Stoeger kalibrit 9×19 mm, dy karikatorë të njëjtës armë, 18 fishekё të kalibrit 9×19 mm, një armё pistoletë (shkrepës).

Dy të dyshuarit pas intervistimit nga ana e hetueseve, me urdhër të prokurorit ndalohen për 48-orë, ndërsa njëri nga personat e dyshuar ende gjendet në arrati.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë