Pasardhësit e Tito’s përballen në gjyq për pasurinë e tij

Shtatë pasardhës të kryetarit të ish-Jugosllavisë Josip Broz Tito po përballen mes vete në një proces gjyqësor rreth asaj se kush duhet ta trashëgojë pasurinë e tij, por 36 vite nga vdekja e Titos, ende nuk dihet se ku ka mbetur e gjithë pasuria e tij.

Të drejtën legjitime për ta trashëguar pasurinë e tij e patën fëmijët Zarko dhe Misa, të cilët i kishte nga martesa me gruane tij, Jovankën. Por, meqenëse gruaja dhe Zarko, njëri nga djemtë, kanë vdekur, e drejta e trashëgimisë i takon nipave të ish-diktatorit, transmeton gazetametro.net.

Trashëgimtarët e kanë filluar procedurën për përvetësimin e pasurisë në vitin 1983, por procesi ende nuk ka përfunduar. Mediat serbe kanë publikuar listën e gjërave që familjarët kanë në posedim si trashëgim nga lideri jugosllav.

• Llogari bankare në emër të Josip Broz Titos në shtetet e ish-Jugollavisë, së fundmi të hapura në vitin 1984. Në llogaritë në bankën Beobank ai kishte 3 milionë e 280 mijë dinarë, kurse në tjetërn llogari figurojnë 2 milionë e 421 mijë dinarë. Në të njejtën bankë ai kishte deponuar edhe rreth 6 mijë marka gjermane.
• Dhjetëra objekte të arta, 10 unaza meshkujsh, njëra nga to e diamantit, 6 orë dore dhe stoli të tjera të shumta për meshkuj e femra.
• 12 uniforma ushtarake të marshallit
• 29 piktura vaji të punuara në pëlhurë si dhe 14 në lëter, kryesisht nga autorë vendas
• 10 qilima
• Një armë 6.35 milimetërshe e punuar nga ari
• Armë gjuetie të markave më të njohura Bereta e Remington të punuara enkas për Titon me dizajne luksoze
• Pajisje të llojllojshme gjuetie
• Kamera të ndryshme, projektorë filmash, transistorë e mjete  teknologjike të kohës
• Një numër i madh veshjesh nga koleksioni personal i liderit

Të gjitha këto pasuri konsiderohen të jenë vetëm një pjesë e vogël e asaj që besohet të ketë pasur në posedim marshalli kroat. Nuk është bërë e ditur se kur do të përfundojë procesi gjyqësor për të trashëguar të drejtën mbi pasurinë e Titos, për të cilën nuk dihet ku është fshehur apo nëse vërtëtë ekziston./gazetametro.net