Pavarësisht kundërshtimeve globale: Kina miraton ligjin e sigurisë kombëtare për Hong Kongun

Kina ka miratuar një ligj të diskutueshëm të sigurisë kombëtare për Hong Kongun, pavarësisht kundërshtimit global ndaj tij, transmeton Gazeta Metro.

Legjislacioni i ri përcakton fazën e ndryshimeve më radikale në mënyrën e jetës së ish-kolonisë Britanike që kur u kthye në Kinë gati 23 vjet më parë.

Ai u miratua unanimisht nga organi i lartë i vendimmarrjes i parlamentit kinez, njoftuan të martën mediat Hong Kong. Legjislacioni thuhet se ka për qëllim kufizimin e aktiviteteve subversive, secesioniste dhe terroriste, si dhe ndërhyrjen e huaj në punët e Hong Kongut.

Kritikët kanë frikë se do të përdoret për të synuar protestuesit dhe politikanët e opozitës që shihen si pabesi ndaj Pekinit me dënime të ashpra me burg. Mendohet gjithashtu se ligji do t’i jepte kompetencave të shërbimeve të sigurisë së Kinës që të operonin në Hong Kong.

Udhëheqësja e Hong Kong-ut, Carrie Lam tha që nuk ishte e përshtatshme që ajo të komentonte ligjin ndërsa mbledhja e Komitetit të Përhershëm ishte ende në zhvillim e sipër./gazetametro.net