Loading…

PDK demanton Gani Dreshajn, s’kemi marrëveshje koalicioni me AAK’në

  • 04/05/2017 | 13:58

PDK demanton Gani Dreshajn, s’kemi marrëveshje koalicioni me AAK’në

Partia Demokratike e Kosovës, dega në Istog, ka reaguar ndaj deklaratatve të kryetarit të AAK’së në Istog, Gani Dreshaj, i cili një ditë më parë në TV Dukagjini deklaroi se ka mbështetjen e PDK’së për kryetar të Istogut.


“PDK në Istog s’ka koalicion me AAK-në. Nuk e mbështet Dreshajn për kryetar të Komunës së Istogut. Partia Demokratike e Kosovës, Dega në Istog nuk ka lidhur koalicion parazgjedhor me Aleancën për Ardhmërinë e Kosovës për zgjedhjet lokale në këtë komunë, të cilat do të mbahen në vjeshtë të këtij viti. Rrjedhimisht, nuk e mbështet kandidatin e AAK-së për kryetar të Komunës së Istogut, z. Gani Dreshaj, siç ka deklaruar mbrëmë ky i fundit në një intervistë në RTV Dukagjini”.

Në këtë reagim thuhet se deklaratat e Dreshajt, janë tendencë për të keqpërdorur emrin e PDK’së.

“Strukturat e PDK-së, Dega në Istog kanë raporte të mira me të gjitha partitë politike në Istog, në veçanti me partitë opozitare AAK, AKR, VV si dhe me kandidatët e pavarur. Por, në asnjë rrethanë nuk do të lejojnë që të keqpërdoret emri i PDK-së nga kryetari i Degës së AAK-së për Istog dhe as nga kushdo tjetër për të krijuar favore partisë së tij në dëm të PDK-së”.

“Dega e PDK-së në Istog i ka të gjitha strukturat e veta drejtuese të cilat janë më aktive se çdo herë tjetër dhe janë duke i bërë të gjitha përgatitjet për zgjedhjet lokale, ku shumë shpejt do të dalin me kandidatin për kryetar të Komunës së Istogut, e poashtu edhe me listën e kandidatëve për Asamble Komunale”.

“Me punën dhe angazhimin e të gjitha strukturave dhe me mbështetjen e kryetarit z.Kadri Veseli, Dega e PDK-së në Istog padyshim që është alternativa më e mirë për qytetarët e Istogut në Zgjedhjet Lokale të 2017. Kryesia e PDK-së, Dega në Istog”. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë