PDK dhe Aleanca bllokojnë hyrjen e Qeverisë, iu bashkohen asamblistë dhe aktivistë nga Drenasi

Partia Demokratike e Kosovës sot ka vijuar aktivitetin e saj të përditshëm përpara objektit të qeverisë.

Grupi parlamentar i kësaj partie sërish parashtroi kërkesën për thirrjen e seancës konstituive dhe formimin e institucioneve.

Protestës së sotme, PDK-së iu bashkuan asamblistët e kësaj partie nga Komuna e Drenasit.

Bashkë me ta, para hyrjes së ndërtesës u pozicionuan edhe disa deputetë të Aleancës.

PDK-ja dhe Aleanca kanë zhvilluar aksione të ngjashme edhe gjatë javëve të kaluara, duke kërkuar thirrjen e seancës dhe konstituimin e institucioneve të Kosovës.