Loading…

PDK e mbyllë fushatën në Drenas, të bindur për fitore

  • 16/12/2016 | 19:20

PDK e mbyllë fushatën në Drenas, të bindur për fitore

Partia Demokratike e Kosovës ka përmbyllur sonte fushatën për zgjedhjet e jashtëzakonshme të së dielës, në Sallën e Kulturës në Drenas, me një tubim të madh dhe me një mbrëmje madhështore.


Lideri i PDK-së, Kadri Veseli, ka deklaruar se më 4 dhjetor është dëshmuar fuqia e pakonkurrencë e PDK-së në Drenas, ndërsa të dielën, më 18 dhjetor, kur mbahet raundi i dytë i votimeve, do të festohet fitorja e madhe e PDK-së dhe Kandidatit të saj për Kryetar të Drenasit, Ramiz Lladrovcit.

“PDK nuk ka pasur asnjë mëdyshje dhe nuk e ka asnjë mëdyshje se Drenasi do të jetë serish unik dhe në mbështetje të PDK-së”, ka deklaruar Veseli.

“Të dielën, do të dalin të gjithë qytetarët e Drenasit, të bashkuar. Dhe, së bashku, do ta festojmë fitoren e madhe për Drenasin”, ka shtuar ai.

Kandidati i PDK-së për Kryetar të Drenasit, Ramiz Lladrovci, ndërkaq, në fjalën e tij, ka falënderuar qytetarët për mbështetjen dhe qytetarinë e treguar në këtë proces zgjedhor, ndërsa i ka ftuar ata që me qetësi dhe masivisht të dalin për të votuar më 18 dhjetor, kur mbahet raundi i balotazhit.

Ai ka rikujtuar se i këto ditë, lagje më lagje, fshat më fshat, së bashku me Kryetarin e PDK-së, Kadri Veselin, kanë shpalosur prioritetet e qeverisjes për arsimin, shëndetësinë, infrastrukturën, bujqësinë, shërbimet publike, rregullimin e ambientit, për një Drenas me jetë më të mirë, me kushte më të mira, me perspektivë dhe një të ardhme të sigurt për të gjithë qytetarët e Drenasit, për fëmijët dhe prindërit.

“Duke votuar numrin 13, ju votoni për idealet e dëshmorëve, veteranëve dhe invalidëve – votoni për Drenasin e zhvilluar në ekonomi, arsim dhe shëndetësi, për Drenasin me të drejta dhe shanse të barabarta për të gjithë, burra e gra, për Drenasin me ambient të pastër”.

“Duke qëndruar gjithmonë së bashku, ne do ta bëjmë Drenasin qytet shembullor”, ka deklaruar Lladrovci.

Kandidati i PDK-së për Kryetar të Drenasit, më tutje, ka porositur qytetarët që të dielën, me qetësi të shkojnë në qendrat e votimit dhe me zemër ta votojnë numrin 13 dhe partinë e tyre, Partinë Demokratike të Kosovës.

“Gjithmonë së bashku! Gjithmonë me PDK-në! Gjithmonë për Drenasin, Drenicën dhe Kosovën! Urime dhe gëzuar fitorja e madhe”, është shprehur Lladrovci.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë