Loading…

PDK inicon edhe dy komisione hetimore

  • 12/02/2024 | 13:35

PDK inicon edhe dy komisione hetimore

Shefi i grupit parlamentar të PDK-së, Abelard Tahiri, ka njoftuar se kjo parti do të inicojë themelimin e dy komisioneve të tjera hetimore, pos atij për mbarëvajtjen e punës dhe degradimit diplomatik dhe për zhdukjen e mostrave të rastit Dehari.


Pas mbledhjes së Kryesisë, Tahiri tha se PDK kërkon një komision hetimor për tekste shkollore, pasi siç tha ai, dyshon se janë tejkaluar shifrat.

“Do të propozojmë edhe dy komisione të tjera. Njëri do të jetë për tekstet shkollore. Ministria e Arsimit vazhdon të paguajë libra për nxënësit tanë, një proces i degraduar edhe me keqpërdorime të mëdha financiare. Dyshojmë që ky proces i ka tejkaluar shifrat”, tha Tahiri.

Ndërkohë, Tahiri tha se me komisionin hetimor për kontratat njëburimore, PDK ka arritur të përmbledhë në masë të madhe këto kontrata.

“PDK ka arritur t’i përmbledhë në masë të madhe kontratat njëburimore, poashtu do të kërkojmë që të hetohen këto kontrata.  Këto kontrata janë burim i korrupsionit në Kosovë”, tha ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë